Известување за доделени грантови на граѓански организации за спроведување акции за заштита на животната средина

Врз основа на Јавен повик за доделување грантови на граѓански организации за спроведување акции за заштита на животната средина во рамки на проектот „Добро владеење во животната средина на Зелена Агенда за Западен Балкан“, финансиски поддржан од Европската Унија, Комисијата за евалуација на пријавите спроведе евалуација на пристигнатите пријави.

Од вкупно 41 пријава која беше евалуирана од Комисијата, доделени се 7 грантови:

	Назив на организацијата	Наслов на проектот	Цел на проектот
1	Регионално географско друштво ГЕОСФЕРА Битола	СТОП за аерозагадување	Намалување на аерозагадувањето во Битола со ПМ честички, особено во регионот на населбата Јени Маале и зголемување на свеста и проактивноста на граѓаните и надлежните институции
2	Здружение за екологија и заштита на животната средина ЕКО ТИМ ИСТОК Кочани	Зајакнување на соработката за локално влијание врз јавните политики за справување со отпад во општина Кочани	Зајакнување на соработката меѓу граѓанските организации, медиумите, институциите и приватниот сектор за да се влијае врз јавните политики и донесување одлуки врз животната средина, конкретно врз справувањето со неопасен отпад во општина Кочани
3	Здружение за локален развој ЛОКАЛ АКТ Македонски Брод	Преку мониторинг и следење до зголемена ефикасност на општинските мерки за заштита на природните ресурси	Да се подобри заштитата на природните ресурси преку зголемување на ефикасноста и транспарентноста на општинските мерки, со посебен акцент на законските обврски, локалните политики и јавната свест за одржливо управување
4	Здружение за застапување, спроведување и поддршка на решенија со кои луѓето ќе бидат подобро поврзани со природата НАТУРА МК Скопје	Поддршка за креирање на одржливи финансиски модели за заштитените подрачја	Поддршка на заштитените подрачја за воспоставување на модели за одржливо финансирање на заштитата на природата и биолошката разновидност
5	Здружение на граѓани РЕГИОНАЛЕН ЦЕНТАР ЗА ОДРЖЛИВ РАЗВОЈ Гевгелија	Еколошка Свесност: Селектирај, Рециклирај, Реагирај	Подигнување на свеста за важноста на рециклирањето и селектирањето на отпад со цел намалување на отпадот и негово правилно искористувње и управување
6	Здружение за правна едукација и транспарентност СТАНИЦА П.Е.Т. Прилеп	Еко иницијатива: граѓаните и локалната власт во акција за заштитата на животната средина	Зголемување на граѓанското учество во процесите на заштита на животната средина преку развој на активизам во заедниците и подобрување на транспарентноста и комуникацијата со властите
7	Здружение на граѓани ФЛОРОЗОН – Центар за еколошка демократија Скопје	Граѓански мониторинг за одговорно управување со водите	Да се зајакне улогата на граѓанските организации во ефективното следење и мониторинг на управувањето со водите преку подобрување на нивните капацитети и обезбедување на алатки за транспарентност и отчетност