Преку три работилници до поквалитетни податоци и поефикасни политики во системот за правда за деца

Во периодот октомври – декември 2025, во блиска соработка со Државниот совет за детско престапништво и правда за деца, успешно реализиравме три работилници со професионалци од различни сектори вклучени во системот за правда за деца, со цел унапредување на пристапот кон прибирање и анализа на податоци поврзани со децата во контакт со законот. Активноста е дел од проектот „Младите правници за поприлагоден систем за правда за деца“, кој МЗМП го спроведува со финансиска поддршка од Европската Унија.

Сите три работилници се реализирани на тема: „Презентација, обучување и обезбедување конзистентен пристап во прибирање на податоци утврдени со индикаторите за следење на имплементацијата на Законот за правда за деца и на состојбата со детското престапништво во Република Северна Македонија“. Освен професионалци од различни сектори во системот за правда за деца (полициски службеници, стручни лица од центрите за социјална работа и претставници од судство и обвинителство), на работилниците присуствуваа и сите членови на Држвниот совет, како и надворешни членови на истиот.

Првата работилница се одржа на 14ти октомври 2025 година со претставници на организациските единици за криминалистичко-разузнавачка анализа од секторите за внатрешни работи.

Втората работилница се одржа на 28ми октомври 2025 година, со 29 претставнци на 26 центри за социјална работа на територија на Северна Македонија.

Третата рaботилница се одржа на 16ти декември 2025 година, во форма на онлајн средба со повеќе од 50 присутни, претставници на основните судови – судии за деца и службеници за внес на податоци, и јавни обвинителства – јавни обвинители и службеници за внес на податоци.

Работилниците овозможуваат поправилно, подетално и посеопфатно согледување на состојбата на децата во контакт со законот, што претставува значаен чекор кон функционално и ефективно креирање политики засновани на проверени, точни и споредливи податоци. Со ваквите активности се поставуваат основи за поусогласен, транспарентен и пристам заснова на проверени и точни податоци заради посеопфатно унапредувањето на системот за правда за деца во државата.