ПРАВНА ЕДУКАЦИЈА

Од самото основање на МЗМП, една од клучните активности е обезбедување на правна едукација и обуки на младите правници, како еден од начините на зајакнување на нивните капацитети и практични правни вештини. Денес МЗМП покрај обуки на младите правници, обезбедува соодветни обуки од областа на човекови права на владини институции, судство, општини, правници, граѓански организации, како и на самите граѓани.

Програмата за правна едукација на МЗМП се стреми кон подготовка на стратегија и формирање на модули кои се однесуваат на заштита на човековите права и остварување на принципот на владеење на правото, како и создавање на системски пристап кон организирање на настани. Со ова дополнително се унапредува квалитетот на активностите на МЗМП за правна едукација кои ќе им помогнат на нашите корисници да го стекнат потребното знаење и да се здобијат со бараните практични вештини.

Практикантска програма

Македонското здружение на млади правници (МЗМП) има за цел да го зајакнe придонесот на младите правници во унапредувањето на правничката професија и остварување на принципот на владеењето на правото и заштита на човековите права.

Сопствената мисија МЗМП ја остварува преку овозможување на континуирана едукација и поддршка на младите правници кои учествуваат во различни проектни активности насочени кон унапредување на нивната правна експертиза.

Младите во нашата држава се соочуваат со потежок премин кон пазарот на трудот, откако ќе го завршат своето образование. МЗМП смета дека стекнувањето на прво работно искуство преку спроведување на практична работа од страна на млади правници има клучна улога во правното образование и може да биде успешен дел во борбата против невработеноста кај младите и притоа да ги направи компетентни кандидати за идно вработување.

Воспоставување на Програма за практикантска работа со цел континуирана правна едукација на младите правници

МЗМП започнува со спроведување на Програмата за практикантска работа во март 2015 година. Целта на Програмата е зајакнување на професионализмот и градење на капацитетите на младите правници.

Преку Програмата, од една страна се овозможува практична работа со цел младите правници да станат конкурентни на пазарот на трудот, а од друга страна обезбедува обуки кои ќе им помогнат на младите правници да стекнат дополнителни знаења и вештини. Оттука, МЗМП преку Програмата за практикантска работа пробува да го обезбеди овој баланс за младите правници..

Програма за практикантска работа 2015-2017

Почнувајќи од март 2015 година МЗМП започнува со спроведување на Програма за практикантска работа. Програмата за практикантска работа имаше за цел зајакнување на капацитетите на младите правници и создавање на кадар на правници оспособени да го предизвикуваат правниот систем и да градат пракса за заштита на човековите права и на основните демократски вредности загарантирани со Уставот на РСМ.

Програмата за практикантска работа вклучуваше:

– Основни и напредни обуки во областа на човекови права

– Двомесечна практична работа

Во периодот од 2015-2017 година, 392 млади правници успешно ја завршија Програмата за практикантска работа и имаа можност да стекнат практично правно искуство преку двомесечната практична работа во 23 правосудни институции, 19 адвокатски канцеларии и 5 професионални здруженија. Програмата се спроведуваше во 13 градови во нашата држава: Скопје, Тетово, Гостивар, Кичево, Дебар, Струга, Охрид, Битола, Прилеп, Кавадарци, Стумица, Штип и Делчево.

Во овој период беа спроведени 28 основни и напредни обуки за човекови права за младите правници.

Во овој период, Програмата за практикантска работа се спроведуваше во рамки на проектот на УСАИД за заштита на човековите права.

Програма за практикантска работа 2018 – 2025

Програмата за практикантска работа продолжи да се спроведува од октомври 2018 година до јуни 2021 година и потоа повторно во период од октомври 2022 година до декември 2024 година.

Програмата за практикантска работа опфаќaше:

1. Тримесечна практична работа

2. Обуки на теми:

· Практични правни вештини и основни етички вредности на правната професија

· Вештини за барање на работа во правната професија

· Сензибилизација .

Целта на Програмата е зајакнување на професионализмот, компетентноста и интегритетот на младите правници преку подобрување на нивните прачтични правни вештини, вештини за наоѓање на работа во правната професија по нивното дипломирање, подобрување на знаењето за основните етички вредности на правната професија, и нивна сензибилизација за правните потреби на најмаргинализираните групи во општеството.

Во периодот октомври 2018 – декември 2024 година, 693 млади правници успешно ја спроведоа Програмата за практикантска работа и го стекнаа своето практично правно искуство преку тримесечна практична работа. Програмата се спроведуваше во 30 aдвокатски канцеларии, 6 граќански организации 5 основни судови, 1 апелационен суд, Управен суд на РСМ, Уставен суд на РСМ, Комисија за спречување и заштита од дискриминација, 3 канцеларии на Народниот правобранител, Министерство за животна средина и просторно планирање. Програмата се спроведува во 8 градови во нашата држава.

Програмата за практикантска работа, се спроведуваше со поддршка од Амбасадата на Кралството Холандија во Скопје.

HELP DESK за млади правници

Од 2018 година МЗМП воспостави HELP DESK за млади правници со цел обезбедување на постојана поддршка при барање на работаили пракса вклучувајќи помош при подготовка на кратка биографија, мотивационо писмо и припрема за интервју за работа.

Покрај тоа, како дел oваа канцеларија за советување се креираше база на податоци која содржи информации за отворени работни позиции и повици за практикантство/волонтерство за млади правници, како и инфромации за обуки и работилници со цел зајакнување на нивните капацитети и устручување во конкретна област. Информациите редовно се споделуваат со младите правници.

Целта на оваа канцеларија е да се поврзат на младите правници кои бараат работа со правни фирми, компании, канцеларии и организации.