ЈАВЕН ПОВИК ЗА ИЗБОР НА КОНСУЛТАНТИ, ЕКСПЕРТИ И СОРАБОТНИЦИ ЗА МЗМП ВО 2025-2028 ГОДИНА

За МЗМП

Македонското здружение на млади правници (МЗМП) е невладина, непрофитна и неполитичка професионална организација на правници формирана во декември 2003 година, со цел да го зајакне придонесот на младите адвокати во унапредување на адвокатската професија и исполнување на принципот на владеењето на закон.

МЗМП има за цел да обезбеди законот во Северна Македонија да се применува еднакво  за сите, да служи на јавниот интерес и да биде усогласен со меѓународните и стандардите на ЕУ. За да го постигне ова, МЗМП обезбедува правна помош за сиромашните и маргинализираните, води судски постапки од јавен интерес, ги поттикнува и поддржува промените во политиките и ги гради капацитетите на државните институции, ГО, правните професионалци и поединци.

МЗМП има три стратешки цели (приоритети):

1. Унапредување на пристапот до правдата, владеењето на правото и заштитата на човековите права за најранливите групи;

2. Подобрување на  квалитетот на законодавството и услугите за граѓаните и поддршка при спроведувањето и усогласувањето на националните политики со меѓународните и ЕУ стандардите

3. Зголемување на стручноста и интегритетот на младите адвокати;

Целните групи на МЗМП се: луѓе кои живеат во сиромаштија, лица без државјанство, жртви на повреди  на човековите права, дискриминација и насилни кривични дела, деца, жени, баратели на азил, мигранти, затвореници и други маргинализирани групи.

Делокруг на работа на МЗМП

МЗМП е активна во повеќе области и се стреми да обезбеди заштита на човековите права, подобрување и унапредување на постоечките воспоставени процедури и унапредување на владеењето на правото во  РС Македонија.  Областите на делување ги опфаќаат управните постапки, правосудството, животната средина, меѓународната заштита и миграциите, бездржавјанството, социјалните политики, спречување на радикализација и тероризам, феноментот на трговија со луѓе,  ресоцијализацијата, рехабилитацијата и реинтеграцијата во опшеството, заштитата на личните податоци и безбеднота на интернет, работа со младите, правда за деца, работа со локалната заедница, работа со образовните институции, работа со државните институции, и слично.

Цели и задачи на ангажманот

За остварување на своите цели и задачи како и спроведување на проектни активности,МЗМП има потреба од повремено вклучување и ангажирање на експерти, консултанти и надворешни соработниции од различен профил за спроведување на специфични активности и задачи.  Преку овој јавен повик, МЗМП ќе воспостави база на консултанти и сорабтници со екпретиза по  области кои, по потреба или времено  ќе бидат ангажирани.

Работа и задачи за кои се потребни експерти, соработници и надворешни консултанти од делокругот на работа на МЗМП:

• Истражувања;
• Изработка на анализи;
• Изработка на извештаи
• Држење на обуки/предавања; од делокругот на работа на МЗМП
• Подготовка на методологии за извештаи, анализи, евалуации
• Модерирање на настани ( конференции, работилниции и слично)
• Фасилитирање на работни групи
• Правна помош и застапување
• Психосоцијална помош и поддршка

Теми и области за експерти, соработници и надворешни консултанти:

• Бесплатна правна помош
• Правосудство
• Управни постапки
• Азил, миграции  и бездржавјанство
• Превенција од радикализација, насилен екстремизам и тероризам
• Ресоцијалзиација, рехабилитација и реинтеграција во заедницата
• Животна средина
• Заштита на лични податоци и безбедност на интернет
• Жртви на насилство и кривични дела
• Ранливи категории на луѓе
• Пристап до права и услуги и правда за деца
• Развој и зајакнување на граѓанско општество

Профил на експерти, соработници и надворешни консултанти

Кандидатите е потребно да ги исполнуваат следните општи услови:

• Универзитетско образование.
• Најмалку  5 години работно искуство во предметните области
• Искуство во истражување , изготвување на анализи и извештаи
• Искуство во одржување на обуки
• Искуство во изработка на методологии за извештаи, анализи и евалуации
• Познавање на националниот и/или регионалниот контекст од темата/областа
• Познавање на применливите прописи и политики од областа
• Познавање на англиски јазик

Дополнителни услови кои треба да ги исполнуваат, зависно од избраните задачи и ангажман се:

• Искуство во истражување , изготвување на анализи и извештаи
• Искуство во одржување на обуки
• Искуство во изработка на методологии за извештаи, анализи и евалуации
• Искуство во давање правна помош и застапување
• Искуство во давање психо-социјална помош и  поддршка
• Искуство во модерирање настани/фасилитирање на работни групи и т.н.

За адвокати кои аплицираат за работа со деца: дополнително да поседуваат и приложат сертификат за работа и постапување со деца

Заинтересираните треба да достават CV и пропратно писмо (cover letter)  на следниот маил: contact@myla.org.mk. На насловот да се стави нагласи: Пријава за (да се наведува за што )_областа( да се наведува за која тема – област се пријавува). Секој кандидат треба да наведе  за која област/тема аплицира, за што конкретно се однесува неговата апликација и да достави примероци од неговата/нејзината работа. Еден кандидат може да наведе најмногу 3  области. Избраните кандидати ќе бидат известени по електронски пат и ќе бидат ставени на листата на соработници  на МЗМП  до крајот на 2028 година.

По потреба и зависно од динамиката на работите, МЗМП ќе комуницира со поединечен аппликат кој е ставен на листата на соработници  за неговиот/нејзиниот ангажман, обврските, очекувањата и финасиската понуда согласно интерните правила и/или правилата на донаторот. Изборот на кандидатот и  вклучување во списокот на соработници не гарантира ангажман и не предизвикува  правни, деловни и/или финансиски обврски на нарачателот. МЗМП го задржува правото за изборот на соработникот од листата  , согласно потребите на организацијата , квалификациите, експертизата, претходното искуство, и слично.   Надоместокот ќе се определи според интерните правила и достапноста на буџетот во моментот на ангажманот.

Критериум за избор

При изборот на на кандидатите ќе се земат во предвид следните параметри:

• Претходно искуство и експертиза  во областа/темата – 70 поени
• Изработени продукти/ангажмани/работа – 30 поени

Рок на поднесување на апликации

Заинтересирантие лица може да поднесат аплиакција до 17 Април 2025 година.

Нарачателот ќе ги извести и стапи во комуникација само со кандидатите кои ќе бидат избрани и ставени на листата на соработници.

Ве молиме без телефонски јавувања.