ПОПЛОЧУВАЊЕ НА ПАТОТ КОН ИНКЛУЗИЈА – ПРИКАЗНА ЗА ИНИЦИЈАТИВАТА „И ЈАС СУМ ДЕЛ!”

Во Неготино, мала група посветени поединци поттикна движење кое ги трансформираше животите на оние кои често се занемаруваат во општеството. Ова е приказната на локалната иницијатива наречена „И Јас сум ДЕЛ“ предводена од активистот Симон Андов, активист за човекови права, која Македонското здружение на млади правници (МЗМП) ја поддржа во рамки на проектот „Зајакнување на професионализмот, компетентноста и интегритетот на младите правници во Македонија“ финансиран од Амбасадата на Кралството Холандија.

Иницијативата „И Јас Сум ДЕЛ!“ произлезе од емпатијата на Симон за предизвиците со кои се соочуваат лицата со попреченост во неговата заедница. Сведочејќи од прва рака на пречките на кои наидува поради несоодветната инфраструктура, Симон заедно со неговиот тим тргнаа во мисија да обезбедат вклученост и пристапност за сите.

Нивната акција започна со изработка на сеопфатна анализа на инфраструктурата во Неготино. Преку детално истражување, тие открија дека и покрај присуството на 120 лица со телесен инвалидитет во областа, голем дел од инфраструктурата нема суштински приспособувања за нивните потреби.

Со поддршка на МЗМП, иницијативата доби конкретна форма. Беа ангажирани архитекти да создадат 3D проекција на централните улици во Неготино, прикажувајќи адаптирани тротоари и патеки дизајнирани да го олеснат непреченото движење на лицата со посебни потреби. Овие визуелизации послужија како моќна алатка за застапување, покажувајќи го трансформативниот потенцијал на инклузивното урбанистичко планирање.

Покрај архитектонските планови, иницијативата ја искористи моќта на раскажувањето за да ја подигне свеста и да поттикне емпатија во заедницата. Преку краток документарен филм и фотографии кои ги прикажуваат вистинските искуства на поединци и семејства кои се борат со предизвиците за пристапност, гледачите беа мотивирани да се соочат со потребата од промени.

Опремени со техничка документација, Симон и неговиот тим продолжија со застапување надвор од границите на Неготино, допирајќи до владините претставници и креаторите на политики на регионално и национално ниво. Преку упорност и стратешки ангажман, тие успеаја да добијат поддршка за нивната акција.

Влијанието на нивната иницијатива се почувствува низ Неготино и пошироко. Во ноември 2023 година, по долгогодишно неуморно застапување, започна изградбата на централните улици и тротоари, означувајќи значаен чекор кон поинклузивна заедница. Визијата на Симон и неговиот тим стана реалност, благодарение на посветеноста на неколку поединци решени да направат разлика.

Симон во свое обраќање ја истакна моќта на колективната акција и издржливоста на оние кои се осмелуваат да го оспорат статус квото, дека позитивната промена е можна, дури и во услови на навидум непремостливи предизвици.

Приказната за иницијативата “И Јас сум ДЕЛ!” служи како доказ за трансформативната моќ на грасрутс активизмот и трајниот дух на солидарноста на заедницата. Преку соработка, сочувство и решителност, Симон и неговиот тим го отворија патот за поинклузивна иднина во Неготино и пошироко.